Gaurkoan gure OLHko azken kurtsoko ikasleek aurten egindako elkarlan baten berri eman nahi dizuegu. Izan ere, ikasle hauek jadanik beren praktikaldia egiten ari dira, baina klaseak bukatu aurretik egindako azken lanetako bat, Hernaniko Rugby elkartearekin elkarlanean izan zen. Asko ikasteaz gain, herriko kluba gertuagotik ezagutzeko aukera paregabea izan da.
Hernaniko Gizarte Berrikuntzako LHIIn, beti saiatzen gara, alde batetik, gure ikasleek eskuratu behar dituzten gaitasun tekniko eta zeharkakoak, proiektu motibagarri eta erabilgarrien bidez lantzen. Bestetik, ikasle nahiz irakasleek herriko eta inguruko erakunde eta taldeak ezagutzea eta elkarlana ahal den heinean sustatzea ere beti izan dugu helburu. Beraz, testuinguru honetan, erabat aproposa izan da elkarlan hau.
Hernaniko Rugby elkartera eta haien instalakuntzetara gerturatu eta haien beharrak ikusi eta entzun ondoren, gure ikasleek ziklo honetan eskuratutako zenbait gaitasun praktikara eramateko eta rugby elkarteak benetan erabiliko dituen zenbait gauza fabrikatzeko aukera izan dute. Fabrikatutako gauzen artean mankuernentzako apaldegia eta pisu eta muskulazio banku bat aurkitzen dira. Baina zatirik politena, behin lanak bukatuta, haiek entregatzera joan zirenekoa dudarik gabe.
Mila esker Hernaniko Rugby elkarteari zuen arrera onagatik. Atsegina izan da zuekin elkarlanean ibiltzea!
