Lanbide-irudi honek eraikinetan telekomunikazio-azpiegiturak, makina elektrikoak, sistema automatizatuak, behe-instalazio elektrikoak eta sistema domotikoak muntatzera eta mantentzera zuzentzen diren enpresa txikietan eta ertainetan egingo du lan, batez ere pribatuetan, eta nork bere kontura zein besteren kontura.
| Lanbide Modulua | Ordu-eslepeina | Kurtsoa |
| 0517. Telekomunikazio-azpiegitura komunen instalazioetako prozesuak | 165 | 1.a |
| 0518. Instalazio elektrikoetako teknikak eta prozesuak | 198 | 1.a |
| 0519. Instalazio elektrikoetako dokumentazio teknikoa | 66 | 1.a |
| 0520. Sistema eta zirkuitu elektrikoak | 165 | 1.a |
| 0524. Instalazio elektrikoen konfigurazioa | 198 | 1.a |
|
0602. Instalazio elektrikoak muntatzeko eta mantentzeko kudeaketa
|
99 | 1.a |
| 0527. Laneko prestakuntza eta orientabidea | 99 | 1.a |
| 0521. Instalazio domotikoetako eta automatikoetako teknikak eta prozesuak | 140 | 2.a |
| 0522. Sare elektrikoen eta transformazio-zentroen garapena | 160 | 2.a |
| 0523. Instalazio domotikoen eta automatikoen konfigurazioa | 200 | 2.a |
| E200. Ingeles teknikoa | 40 | 2.a |
| 0528. Enpresa eta ekimen sortzailea | 60 | 2.a |
| 0526. Sistema elektroteknikoetako eta automatizatuetako proiektua | 50 | 2.a |
| 0529. Lantokiko prestakuntza | 360 | 2.a |
| Zikoa Guztira | 2000 |
Honako IKASKETA HAUEK EGITEN JARRAITU dezakezu:
- Lanbide-espezializazioko ikastaroak.
- Goi-mailako lanbide-heziketako beste ziklo bat, indarrean dagoen araudiaren araberako lanbide-moduluen arteko baliozkotzeak ezarrita.
- Unibertsitate-ikasketak, indarrean dagoen araudiaren araberako baliozkotzeak ezarrita.
LAN-IRTEERA hauek izan ditzakezu:
- Proiektu elektroteknikoetako teknikaria.
- Proiektugile elektroteknikoa.
- Eraikinetarako behe-tentsioko instalazio elektroteknikoen koordinatzaile teknikoa.
- Tresneria eta instalazio elektroteknikoak eta automatikoak ikuskatu, egiaztatu eta kontrolatzeko teknikaria.
- Kanpoko argiteria-instalazioak ikuskatzeko teknikaria.
- Eraikinetarako behe-tentsioko instalatzaileen taldeburua.
- Behe-tentsioko sare elektrikoetako eta kanpo-argiteriako koordinatzaile teknikoa.
- Behe-tentsioko banaketa-sare elektrikoetako eta kanpo-argiteriako obren langileburua.
- Behe-tentsioko banaketa-sare elektrikoetako eta kanpo-argiteriako obren arduraduna.
- Behe-tentsioko banaketa-sare elektrikoetako eta kanpo-argiteriako instalatzaileen taldeko burua.
- Banaketa-instalazio elektrikoen eta kanpo-argiteriaren mantentze-lanen kudeatzailea.
Profesional hau gai izango da:
- Behe tentsioko erregelamendu elektroteknikoaren esparruan, instalazio elektroteknikoak muntatzeko eta mantentzeko lanak kudeatzea eta gainbegiratzea eta proiektuak garatzea. Konpetentziaren beste helburu bat da telekomunikazio-azpiegitura komunen instalazioen mantentze-lanak gainbegiratzea, ezarritako dokumentazio teknikotik, zehaztapenetatik, arauditik eta prozeduretatik abiatuta, funtzionamendua, kalitatea, segurtasuna eta ingurumenaren zaintza ziurtatuta.
- Instalazioei/sistemei buruzko zehaztapenen txostena egitea, proiektuak edo memoria teknikoak prestatzeko datuak lortu ondoren.
- Instalazioen tresneriaren eta elementuen ezaugarri teknikoak kalkulatzea, indarrean dagoen araudia eta bezeroaren eskakizunak betetzeko.
- Instalazioak eta sistemak arauzko zehaztapenen eta jarraibideen arabera konfiguratzea.
- Dokumentazio teknikoa edo obraren ezaugarriak abiapuntu izanik, instalazioen muntaia eta protokoloak planifikatzea.
- Obraren muntaia-programatik eta plan orokorretik abiatuta, instalazioen muntaia abian jartzea.
- Instalazioak muntatzeko prozesuak ikuskatzea, obra-baldintzetara egokitzen diren egiaztatzea eta haien aurrerapena kontrolatzea, enpresaren helburuak betetzeko.
- Instalazioak mantentzeko prozesuak ikuskatzea, denborak eta emaitzen kalitatea kontrolatuta.
- Instalazioak zerbitzuan jartzea, eskakizunak betetzen direla ikuskatu, eta kalitate- eta segurtasun-baldintzak ziurtatu ondoren.
Familia: Elektrizitatea eta elektronika
Iraupena: 2000 ordu, 2 ikasturte, hauetatik 380 h lantokietan.
Eredua: D