Titulu honen konpetentzia orokorra honetan datza: fabrikazio mekanikoko produktuak, txapa prozesatzeko tresnak, eta polimeroetarako, galdaketako, forjaketako, estanpazioko edo pulbimetalurgiako moldeak eta ereduak diseinatzea; kalitatea ziurtatuta, eta laneko arriskuen prebentzioari eta ingurumen-babesari buruzko araudia betez.
Teknikari honek, betiere, arkitektoen, injineruen edo lizentziatuen eta/edo arkitekto teknikoen, injineru teknikoen edo diplomatuen ikuskapenarekin jardungo du.
| Lanbide Modulua | Ordu-eslepeina | Kurtsoa |
| 0245. Fabrikazio mekanikoko irudikapen grafikoa | 198 | 1.a |
| 0427. Produktu mekanikoen diseinua | 297 | 1.a |
| 0431. Fabrikazioaren automatizazioa | 198 | 1.a |
| 0432. Fabrikazio mekanikoko teknikak | 198 | 1.a |
| 0434. Laneko prestakuntza eta orientabidea | 99 | 1.a |
| 0428. Txapa prozesatzeko eta estanpatzeko tresnen diseinua | 240 | 2.a |
| 0429. Galdaketako moldeen eta ereduen diseinua | 120 | 2.a |
| 0430. Produktu polimerikoetarako moldeen diseinua | 140 | 2.a |
| E200. Ingeles teknikoa | 40 | 2.a |
| 0435. Enpresa eta ekimen sortzailea. | 60 | 2.a |
| 0433. Produktu mekanikoak diseinatzeko proiektua | 50 | 2.a |
| 0436. Lantokiko prestakuntza | 360 | 2.a |
| Zikoa Guztira | 2000 |
Honako IKASKETA HAUEK EGITEN JARRAITU dezakezu:
- Lanbide-espezializazioko ikastaroak.
- Goi-mailako lanbide-heziketako beste ziklo bat, indarrean dagoen araudiaren araberako lanbide-moduluen arteko baliozkotzeak ezarrita.
- Unibertsitate-ikasketak, indarrean dagoen araudiaren araberako baliozkotzeak ezarrita.
LAN-IRTEERA hauek izan ditzakezu:
- Delineatzaile proiektugilea.
- Ordenagailuz lagundutako diseinuko (CAD) teknikaria.
- Produktuen garapeneko teknikaria.
- Matrizeen garapeneko teknikaria.
- Lanabesen garapeneko teknikaria.
- Moldeen garapeneko teknikaria.
- Produktuak eta moldeak garatzeko teknikaria.
Profesional hau gai izango da:
- Fabrikazio mekanikoko produktuen eraikuntza-soluzioak asmatzeko eta, horretarako, horiek dimentsionatzeko beharrezko kalkuluak egiteko eta proba-planak ezartzeko.
- Diseinatutako produktuak fabrikatzean beharrezkoa den dokumentazio teknikoa prestatzeko, antolatzeko eta egunean edukitzeko.
- Osagaiak eta materialak hautatzeko, fabrikazio-eskakizunak eta egindako kalkulu teknikoen emaitza kontuan izanda, eta industria-produktuen katalogoak edo bestelako informazio-iturri eleaniztunak erabilita.
- Ezarritako eskakizunak beteko direla ziurtatzeko beharrezko saiakuntzetako eta homologazioko plana ezartzeko.
- Planteatutako soluzioaren automatizazioa zehazteko, horren funtzioa eta parametroak finkatuta.
- Multzoko eta fabrikazioko planoak industria-marrazketaren arauak kontuan izanda marrazteko, CADeko softwarea eta tresneria erabilita.
- Diseinuan aldaketak egiteko, prototipoaren fabrikazioan antzemandako arazoen arabera.
- Moldeen diseinua optimizatzeko, horiek bete eta hozteko prozesua simulatuta, eta, hala, moldatutako produktuen kalitatea ziurtatzeko, eta prozesu-denbora eta erabilitako baliabide energetikoak optimizatzeko.
- Proiektuaren planoei dagokien dokumentazio tekniko osagarria (erabilera- eta mantentze-jarraibideak, eskemak eta ordezko piezak, besteak beste) prestatu, antolatu eta egunean edukitzeko, baliabide ofimatikoak erabilita.
Familia: Fabrikazio mekanikoa
Iraupena: 2000 ordu, 2 ikasturte, hauetatik 380 h lantokietan.
Eredua: D